最佳拍檔大顯神通 | 新北市美食網

《最佳拍檔 大顯神通》（英文：Aces Go Places 2）係香港喺1983年出品嘅動作搞笑片，係《最佳拍檔》系列嘅第二集。呢套戲係由曾志偉導演，由許冠傑、麥嘉同埋張艾嘉主演，係新藝城嘅1983年賀歲片。

出品機構：

出品人：麥嘉、石天

監製：黃百鳴

導演：曾志偉

編劇：黃百鳴

主演：許冠傑、麥嘉、張艾嘉、倉田保昭、徐克、曾志偉、曹達華……等。

呢套戲延續住《最佳拍檔》系列嘅素材，講述一個機智保鑣聯同一個烏龍神探，加上惡死差婆一齊大破海外黑幫喺香港犯罪嘅故事。呢個系列嘅特別之處係可以喺港產片裏面欣賞到好有質感，會郁又會噴火同埋射飛彈嘅機械人，又會用上一啲遙控嘅模型，好似車、船、飛機直升機……等嘅道具嚟加強先進科技嘅效果，以當時嘅香港電影制作角度嚟睇，呢啲特技已經足以畀到人嘆為觀止嘅感覺。

呢套電影喺1983年2月5號喺香港上畫，累積票房高達23,273,140港紙，係1983年香港中文電影票房當中最賣座嘅一部。