希治閣 | 新北市美食網

亞弗列希治閣，簡稱希治閣爵士或KBE（英文：Sir Alfred Hitchcock，1899年8月13號—1980年4月29號）原籍英國，係一個世界聞名嘅電影導演，唔單止有好多膾炙人口嘅名片傳世，對電影工業都有好深刻嘅的影響。佢拍恐怖懸疑片特別叻，不嬲有「緊張大師」（或者「懸念大師」）之稱。

希治閣喺英國拍咗好多默片同埋有聲片，之後佢去咗美國荷李活發展，重喺1956年入咗美國籍，但係重保留住本身嘅英國國籍。

喺長達60年嘅藝術生涯入便，希治閣一共拍咗超過50部電影。

希治閣1899年8月13號喺英國倫敦一個天主教屋企出世，係屋企第二個囝。

因為佢對電影嘅貢獻，1980年新年佢畀英女皇伊利沙伯二世頒授KBE勳銜，做咗爵士。雖然佢喺1956年攞到美國國籍，但係重有資格用爵士嘅稱號，因為佢保留咗佢嘅英國國籍。點知希治閣喺受封四個月之後嘅4月29號喺美國洛杉磯屋企因為腎功能衰竭過咗身，嚟唔切參加正式嘅封爵儀式。佢享年80歲，臨去嗰時佢老婆同個囡都陪住喺佢身邊。